Para a xente que foi,e a que non foi tamén, aí van os arquivos cas presentacións das charlas que se deron este ano.

Xa están aquí as tan esperadas presentacións das Xornadas sobre Software Libre USC 2006. Somos conscientes de que aínda faltan algunhas, feito que esperamos subsanar en canto nos vaian chegando as presentacións que faltan.

Non é suficiente con que queiramos aceder e crear arquivos en formatos abertos. Tamén é necesario contar cas ferramentas axeitadas para poder facelo. Nos seguintes puntos repasamos algunhas destas ferramentas, que para ter un maior grado de neutralidade é preferible que sexan libres e multiplataforma.

• HTML (acrónimo de Hypertext Markup Language) é un formato aberto, pois as especificazóns son publicamente acesíbeis, e facilmente verificábeis ao ser un formato de texto. Ademais é un formato público, sendo o W3C (10) o organismo encarregado de definir as especificazóns (11). z

Penso que todos debemos contribuir, na medida das nosas forzas a concienciar a xente da existéncia do problema e máis da sua solución.

Debemos tomar consciéncia da cuestión, tomar posición ao seu respeito, e tomar unha série de (6) medidas simples (e hixiénicas) tanto para de uso interno, como para uso cas instituizóns cas que nos relacionamos:

• Respeitar os formatos abertos e públicos.
• Empregar no posíbel formatos abertos e públicos.
• Solicitar doutros organismos o uso de formatos abertos e públicos.
• Armacenar a información sensíbel en formatos abertos que podan resistir ben o paso dos anos.

O sector informático é bastante novo(9) e moi dinámico, de xeito que cada pouco tempo xurden novos produtos que requeren novos formatos. Isto explica que os governos non teñan intervido ainda con decisión para facer normas xerais, tal e como existen normas para os parafusos, as conexóns eléctricas, as lentes oftálmicas, e un longuísimo etc.

Esta situación permite que os formatos informáticos sexan unha arma fundamental na competéncia polo mercado entre as empresas de software. Algo que beneficia claramente as empresas triunfadoras, que poden chegar a tornarse monopólios de facto en determinados mercados, ex. Word nos procesadores de texto, mas pexa excesivamente as empresas competidoras, e en todo caso limita moi seriamente a liberdade dos usuários.

Debemos utilizar e promover a utilizazón de formatos abertos e públicos, sempre que isto sexa posíbel. E é-o na maioria dos casos.

Antes de proseguir coa exposición destas ideas cumpre esclarecer alguns conceitos.

• Formato aberto é aquel no cal as especificazóns que o definen son públicas, e facilmente verificábeis.
• Formato fechado é aquel no cal as especificazóns non son públicas, ou son-o parcialmente mais cuxa verificazón non é doada.
• Formato público é aquel no cal as especificazóns que o definen son decididas por un organismo público (i.e. non secreto) e plural (i.e. con representantes de distintas empresas, universidades, administracións públicas, etc), de xeito que nengunha das partes poda variar unilateralmente o estándar.

A informática e a telemática son xa factores importantes na vida social e económica da Galiza. E a administración pública de esquerdas como a Xunta actual que non só ten que aspirar a governar, mais transformar a sociedade galega non pode nen debe ignorá-los, nen pode abster-se de adoptar unha postura meditada sobre certos aspeitos éticos e económicos dos mesmos.

Un destes aspeitos é a acesibilidade dos formatos electrónicos dos ficheiros onde se armacena e transmite a información (html, gif, rtf, etc.), i.e. a maior ou menor abertura dos ditos formatos. Unha das razóns do uso cadora maior da informática é a facilidade coa que se pode copiar e distribuir a información.

Este documento detalla o uso dos formatos de documento electrónicos en base a uns criterios de accesibilidade, (auténtica) neutralidade tecnolóxica, interoperabilidade e non dependencia.