Os que xa levan un tempo a traballar con virtualbox, ven que o tamaño da súa instalación se usan un disco duro dinámico crece sen parar, pero logo inda que borres unha chea de cousas non empequeñece, é dicir, non libera o espazo no disco virtual quedando no mesmo tamaño que se non se desinstalara ren, causando que en pouco tempo o tamaño máximo co que crearamos o disco xa se alcance, inda que realmente o instalado ocupe menos.

   O anterior, pasa sobre todo cando o Guest é un Sistema Windows, qué facer? Pois temos unha opción en liña de comandos de Virtualbox, que nos permite voltar a compactar a imaxe, esta opción está só ata a versión virtualbox-2.0, nas últimas xa cambia de nome e ademáis non está todavía habilitada, a pesar de que aparece na ristra de opción.

   Se é un linux a máquina guest, probablemente nin nos mereza a pena facer ren xa que xestiona moito millor coma almacena a información, non coma os Windows que a espallan por todo o disco causando moita fragmentación.

   Coma compactar a nosa imaxen? Pois ca seguinte opción que nos da Virtualbox

   VBoxManage modifyvdi    <uuid>|<filename>   compact

   Se a máquina "guest" é un Windows recoméndase antes desfragmentalo disco dende o propio Windows e logo pasar algún programa que o que faga sexa poñer a 0 todo o espazo libre e finalmente executaremos a opción anterior que nos daba o Virtualbox pra compactar. No meu caso unha imaxe dun guest Windows XP pasou de ter 15GB a 8GB

Espero que os serva de axuda,
Óscar Casal Sánchez