Esta mañá descubrín que a compañía Wolfire lanzou The Humble Indie Bundle un pack de 5 xogos multiplataforma, e polo tanto tamén funcionais en GNU/Linux. Esta é una de esas propostas que non debedes deixar escapar xa que podemos comprar os 5 polo prezo que queiramos pagar (nin prezo mínimo, nin prezo máximo) e elixir o destino dos cartos (aos desenvolvedores ou para beneficencia).
A miña compra non tardou, xa que estas promocións son a mellor forma de convencer aos desenvolvedores de xogos "de pago" que a plataforma GNU/Linux tamén ten un market share que non deben pasar por alto. Estade atentos que esta promoción rematará nos vindeiros días.

Entre os xogos que podemos comprar, todos con unha calidade moi moi boa, podemos destacar World of Goo un xogo moi adictivo que combina unha moi boa dose de entretemento con un motor de movementos físicos moi logrados.

A miña sorpresa foi cando decátome dun cadro que informa das estatísticas en tempo real das compras no cal se pode ver que o que pagan os usuarios de GNU/Linux é case o dobre do que paga un usuario de Windows. Pola miña parte tamén apoiei a causa con un importe semellante.