Novo controlador de vídeo de ATI para Linux con soporte para Ubuntu 9.10

Imaxe de Paco
Enviado por Paco en 29 Xaneiro, 2010 - 16:31.

O pasado 27 de xaneiro, AMD anunciou unha nova versión do seu controlador de tarxeta gráfica propietario para os usuarios de Linux. ATI Catalyst 10.1 actualiza o software á versión 8.69 e introduce soporte para o Ubuntu 9.10 de Canonical. Conta con compatibilidade para arquitecturas de x86 e x86_64 ademáis de que ATI Catalyst 10.1 tamén soluciona unha morea de problemas:

  • X.Org non causará máis erros fatais con Ubuntu 9.10 se se están executando varias xeracións de servidores con Xinerama activado.
  • Non máis erros críticos ao cambiar entre os servidores virtuais
  • Soporte para "Escritorio Grande" xa que agora o Centro de Control de ATI Catalyst móstrase nas propiedades de xestión da pantalla.
  • Soporte estábel para monitores HDMI

Lóxicamente esta actualización tamén ten compatibilidade para outras distribucións de Linux como poden ser:

· Red Hat Enterprise Linux;
· Novell SUSE Enterprise Linux;
· openSUSE Linux;
· Ubuntu Linux.

+ info e descargas dende Softpedia


( categorías: )
Imaxe de Paco

Instalar as fontes do kernel

Enviado por Paco en 29 Xaneiro, 2010 - 16:44.

Lembrade que para instalar os controladores co ficheiro .run que descargades tedes que instalar as fontes do kernel.

Simplemente executade na terminal:

sudo aptitude install linux-source

An all will be fine!

Mess with the Best, Die like the Rest.

Imaxe de oscar

Unha pequena alegría

Enviado por oscar en 29 Xaneiro, 2010 - 17:45.

Menos mal que dannos unha pequena alegría, porque eu xa cando vexo unha ATI por exemplo nun portátil xa o descarto coma compra polo seu soporte pra GNU/Linux

Imaxe de Miguel

Boa cousa

Enviado por Miguel en 30 Xaneiro, 2010 - 12:24.

A min pasame coma Oscar, e ver unha Ati e cheirarme problemas. O curioso é que xa fai algún tempo parece que decidiran mellorar o seu soporte e abrir fontes, pero semella que están tardando.