Vou con iste mini manual a comezar unha serie duns cantos nos que irei explicando coma instalar ferramentas que nos permitan monitorizar a nosa rede dende un único posto (ver se os equipos están apagados ou encendidos, o seu espacio de disco, uso da súa rede, carga de traballo etc etc...).

Usaráse ubuntu neste caso concreto.

Pra ilo o primeiro que se debería facer se inda non sabedes que é o protocolo SNMP é mirar por exemplo neste enlace á wikipedia. Onde tamén podedes atopar outros enlaces ós RFC's máis relevantes do protocolo.

Pasando á instalación do mesmo faremos:

Instalamos no servidor o axente (paquete snmpd) e as snmp tools (paquete snmp)

servidor#apt-get install snmpd snmp

Configuramos o axente no fichero de configuración /etc/snmp/snmpd.conf. Amoso os trocos feitos a través da ejecución dun diff entre o ficheiro orixinal e o modificado por min:

servidor$ diff /etc/snmp/snmpd.conf /etc/snmp/snmpd.conf.orig
< #com2sec paranoid  default         public
< com2sec readonly  default         public
---
> com2sec paranoid  default         public
> #com2sec readonly  default         public

Este troco permitiranos que calqueira poida leela información do noso SNMP, inda que non trocala.

Modificamos tamén o ficheiro /etc/default/snmpd para que escoite pola ip que ten a interface eth0 en vez de en localhost que é onde o fai por defecto. Unha vez modifiquemos o mesmo reiniciamos o axente SNMP con:

servidor#/etc/init.d/snmpd reload

E comprobamos que realmente está funcionando e que tamén o firewall se o temos permite acceder a ise porto (deberiamos velo porto 161 UDP aberto):

servidor$ netstat -an|grep 161
udp        0      0 192.168.1.10:161       0.0.0.0:*

No cliente instalamos as snmp tools (paquete snmp) e probamos se o axente do servidor funciona correctamente co comando snmpwalk que nos permite obter un subárbol de valores empregando "SNMP GETNEXT requests"

cliente$ snmpwalk -c public -v 2c 192.168.1.10

Tamén permitiranos obtelo espacio en disco dun equipo remoto co comando snmpdf.

cliente$ snmpdf -c public -v 2c 192.168.1.10

Fontes: [1], [2]

Espero que os serva de axuda,
Óscar Casal Sánchez

Mail: oscar.casal[at]gmail.com